الله يسامحك ..

الله يسامحك كانك عمد تجبرني
على محاتاك واشغال الفكر يمك..

أنا دخيل الهوا والعشق طمني
وابعد سموم القلق يوم اصبحت سمك..

ومن بعدها لو تغيب وتنقطع عني
أقلها واصلن لي علم من فمك..

وش ناتج الحب كانك ما تشاركني
واشاركك فرحتك واشاركك همك..

ماتدري ان بسكوتك شي خانقني
وماتدري القلب يمك مثل قلب أمك..

وتشوَّف الأم ، لامن غاب من تضني
لو تدخل إلقلبها كان انحرق دمك..

وانا عليك أطهر الأحساس ساكني
لو ان ماني قريبك او ولد عمك..

فإن كنت مخطي معاك الحق عاتبني
ولا تترك السم يقتلني سبب ظلمك..