شاعر زمانه

تعال ياشاعر زمانه يبن هن
يالنابغه يالبحتري يالمرئ القيس

شعرك سما في داخل الروح اذ ان
طاعت لك ملوك الخفى بالفوانيس

مثلك فرزدق عصرنا بالشعر من
منهُ تجرا ياجباروت نقريس

لا لا تصدق يالحثاله وش تضن؟!
ان الشعر لعبه ودحت مراويس

لولا الكرامه ياولد مانكسر سن
ومن اللذي بيده هدم عرش/بلقيس

ادري تطوفك يالذكي لنّك ولن
مثقال وزنك تكسبه كفّة التيس

حنّا هل الطالات والهيل والبن
حنّا بلي وقت اللقا والمقابيس

كم سمهريّاً بين الاضلاع ماكن
انشد عدانا فوق ذات القرابيس

كبيرنا علمه ركاده ولا يكن
وصغيرنا تخضع على صوته العيس

وانت افهم القاله وردد لها غن
ثم اجمع افكارك ورتب لها كيس

وافهم ترى منصور عدّا ولكن
يدري عن اللي دار خلف الكواليس

....وان كان ماترضيك خذها حدا جن
بسمعك طاروق يطرب له ابليس