نازل ومش راجع

لـ مؤمن مجدي، ، في الرثاء

نازل ومش راجع - مؤمن مجدي

انا بنزل وبقول مش راجع
الموت فبلدي بميت دافع
لا يهم انت مين ولا منين
فمظاهرة ولا كنيسة ولا فجامع،
هتفرج علي ماتش فالاستاد
او رايح اتفسح ويا الولاد
هموت من غير ولا ذنب
واليوم هينتهي بحداد،
كل يوم علي دا
ولا اكننا فاعادة
اموت واحد
اخد ترقية واشادة،
الدم ارخص مالتراب
الحياة فبلدنا سراب
اخد اعدام فثانية
ومن غير اي حساب،
اعرف ان الدم حرام
حقك خده فسلام
غلطت حسابني
حتي لو فيها اعدام,
تعبت من الشجن والاه
اخويا مات ازاي انساه
دمه لسه مبردشي
وصاحبي راح يلقاه،
كل يوم دم وموت
كلب راح وغيره يفوت
اللي يشكك فيهم
واللي يشتم بعلو الصوت،
ماتت كل احلامنا
وبقينا نعد ايامنا
عقابنا بقي الموت
ماحنا غلطة زمانا،
هبكي علي ايه ولا ايه؟!
وكله خلاص راح
ايه تاني هخاف عليه؟!
وعايش كلي جراح،
صحابي اخواتي اتلفوا فمليون كفن
او اتحرقوا ولا ارتموا فالشارع
خلاص مات جوايا احساس الوطن
فيوم نازل ومش راجع
#مفيش_نقطة_القصيدة_مخلصتش
‫#‏مؤمن_مجدي‬

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر