اشتقت لك

ما أكذب عليك..
أكيد أنا إشتقت لك..
ملهوف بصبحي والمسا
واقول ياربي عسى
محبوبتي تشتاق لي..
وترسل تقول "إشتقت لك"
 
الوقت من دونك تعيس..
في الأربعاء أو في الخميس
كني لحالي مختلي..
معقوله تسالني وتقول..
"بذمتك ما اشتقت لي"
 
القلب في حالة شغب
والصبر من صبري تعب..
وكل ماغفت عيني شوي
غنى الهوى "ذهب ذهب"
ويقول لي تكفى خلاص
بالله تقول "طاح الحطب"
 
حتى القلم عيا يطيع
والفكرة من راسي تضيع..
أدري أنا قلبي قسا
لكن بسرعه.. هو نسا..
الحب لك عندي شفيع
والعشق يبلع كل خطا
والهجر في خلي يميع
 
إشتقت لك في غرفتي
بكل العطور ..وبضحكتي
في كل أنغام الصباح
حتى بأوقات المزاح ..
كني رجعت لغربتي
مقدر أسير عكس الفلك
وصدقني يوم أقول لك
"أكيد أنا إشتقت لك..