كثر الهير

لي كِنْتِ لِهْ مِنْ قَبْل خَافي
كِثْر الهيِرْ بَيّحْ ابْعوقي

لِهْ ما لجيتْ إدوىً ايشافي
قَطّعْ سِويدَا لِمَعْلوقِي

أنهل سَافٍ فُوقْ سَافِ
دَمْعي عَلى خَدِّي ادْفُوقي

وَ اصْفِجْ ابْراحَاتِيِ حْسافي
لي خَرَّبِ التَّدْفِيقْ مُوقِي

مِثْلِ الِخوَنْداتِ الِعْفافي
عَلِيهْ وَ الْعِي مِثْل طُوقي

أَمَّنْتِهِ اوْ بِالحالْ رَاِفي
لُو هو رِيع وِاحْتال شُوقي

لُو هو رِيعْ لي بُو اتْلافي
أَدِّيتْ لِهْ كِلّ الحقُوقي

مِنْ عُقْب مَا تَشْكُو تَلافي
اسْتَأَنِّيتْ رُوحٍ اشْفُوقي

الله يِغَرْبِلْ من سَعَى في
في النَّاسْ يالغالي اطْفوقِي

بِالْوِدّ عَنْ دَرْب لمخافي
فَرْقَايْ مَعْ مِنْ لي اصْدوقي

صافي و حَجْيِهْ بِالَحْلافي
وِلْفٍ عَلى عَهْدِهْ اوْثوقي

عَلِيهْ جِنْحِ السّتْر ضَافي
محروزْ بُو حِرْزٍ اْو طُوقي

وِ اللِّي صِفَا لي هُوهْ كَافي
حِسْنِهْ عَنِ امْعَنق ايْفُوقي

أَهْوى هِواه ابْلا تَلافي
هُوه مَطلِبي أوْ هُوهْ امعَشوقي

يَسْجي وِطَن حِلْو لَوْصَافي
يَالله عَسى الوِبلْ الدِّفوقي