القـصايد تفتــخر بإخــوان سـاره

الأمير اللي على ساس الأماره
الخلايق كلهم ما يجهلونه

معتليٍ نواف في عالي الصداره
ومن شموخه تقصر الهقوات دونه

وراثٍ مجده من اجداده وكاره
وكل جزلٍ في المواقف هو زبونه

وقفته من صملته فيها جباره
والرجال ليا توازو يزبنونه

من دهاه يسوق للفزعه بشاره
وان فعل ما قال لوهم ينشدونه

يحمده ناصيه و ظيوفه و جاره
وان طرا طاريه قامو يمدحونه

ناجبه ظيف الله بجود و صطاره
مثل ابوه ابن حمد في كل شونه

والقصايد تفتخر بإخوان ساره
والمديح بكل فعل يزيّنونه

بالعلوم الغانمه صارو شعاره
و كل غالي بالجزاله يرخصونه

لابةٍ فيهم على الصعبه جساره
والمصقّل في العبوس يخضّبونه

كم عقيدٍ يلحق الغاره بغاره
بالرماح وبالسيوف يجندلونه

الخصيم ان صار في راسه نعاره
خشمه ليا طاش لازم يكسرونه

وكم صبيٍ ما خذو ربعه بثاره
خوف بطش اخوان ساره يتركونه

خصمهم يونس على كبده حراره
وان عرض في دربهم ما يرحمونه

المديح بغير شرواهم خساره
يا خبولٍ في الرخوم تلفّقونه

ذي حمد يستاهلونه عن جداره
المديح لذي حمد و يجمّلونه

الشاعر / يوسف بن محسن العضياني