داعي الفرحه .. - ماجد الحجري

ذكرت الله مع صبحن تنسم
بعد ركعات من خاطر وحشها

وشفت لداعي الفرحه مجسم
فروخ طيور غنت من عششها

وخلت ضايق الصدر يتبسّم
و رد هموم ليله في نعشها

دفن ما صار والصاير مقسّم
و نذر بالصوم ان كانه فتشها

وعد ( نفسه ) بأفراحه يدسّم
ويروي من حلا الدنيا عطشها

و لبس افضل ثيابه ثم ترسّم
ورِسَم بسمات بالظاهر فرشها

وضغط الصدر.. لا بده ينسّم
ف ليه الناس ما تفرد خششها

وعلى اللي جاي ياقلبي توسّم
هي الأعمار كم لحظه.. وعشها

© 2024 - موقع الشعر