اسري مع الذكرى

لـ متروك العنزي، ، في الغزل والوصف، آخر تحديث

اسري مع الذكرى - متروك العنزي

تبي الصحيح أشتاق لك كل ساعه
      دونك حياتي كلها مالها وجود

الكون فيني ضاق كل اتساعه
      أقول لك ما يحتمل خافقي زود

ضاقت رحاب الكون واسدل شراعه
   ليل الملا ونومي عن العين مطرود

اسري مع الذكرى وانافي قناعه
    ان الأمل في وصلك اليوم مفقود

كل المآسي والأم والشناعة
    في لحظة غيابك تجي كلها ورود

يازين مالي عن همومه مناعة
     تروح وهمومه تجي مالها حدود

تسكن بقلبٍ ضايقنه أضلاعه
يبي الفرار وين مافرمصيود

من كل فج تهاجمه في براعه
     وفي كل صوب الياتوجهت ملهود

همه يجيله وارد ٍ بندفاعه
      ترده سهام وينفجرفيه بارود

واشك حتى العقل بعلن ضياعه
     أوهي حقيقة والعقل غيرموجود

وسط ألجماعه بس مالي جماعه
      كل ٍبطعناتي يبي يكسب الفود

حتى الصديق أصبح مروج أشاعه
     الي حسبته لي سند صار نمرود

كل ٍ تنكر لي وغيراطباعه
   وانالهم وقفت هل الطيب والجود

حبي لقومي ماظمن لي شفا عه
     منهم وليه اقلوبهم يمنا سود

ناس ٍ تفضل في بعضها ألقطاعه
       ولأعاد همتهم تقاليد وقيود

الهرج من غيرك محال استماعه
   ولك بالوفا غيري فلا هوب مولود

© 2024 - موقع الشعر