ابسمي يا صغيره دام ربك امدبّر
 
بامره الكون يمشي مامشى في عماها
 
سايريها حياتك لوعليك اتجبّر
 
الله اللي منعها والله اللي عطاها
 
قالوا الجرح يبرى والكسور اتجبّر
 
ناس واجد كسرها ما تجبر معاها
 
كابرت لين وقّف صبرها ما تصبّر
 
كل ما شانت الايام قالت عساها
 
ما نصفها الزمان الشين ولّى امدبّر
 
بنت شيخٍ حداها الوقت واخلف رجاها
 
يرحم الله أبوها بالمراجل امشبّر
 
كل ما طالت اظروف الليالي وطاها
 
لين جاها النذير بفقد ابوها ايخبّر
 
يخلف الله عليها ويجبر الله عزاها
 
راح ظل الربيع وجا خريفٍ امغبّر
 
واجلست في مهب الريح تاكل عشاها
 
ما قهرها سوى ناسٍ عليها تكبّر
 
عاشت بجال أبوها وانكرت مستواها
 
لين هلّت على الاوجان دمعٍ ايعبّر
 
عن معاناة حرّه وقتها ما رفاها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر