طول فراقك

حبيبي اشتقت لك طول فراقك وأنت عارفني
إذا ماشفتها أعيونك أضيع بعالم أحزاني

حبيبي لا تعذبهم عيوني والله يشرونك
عشانك بس ساكنهم عيوني صارت الأجمل

بنظرة حب تجذبهم عشان الحب يطيعونك
وإذا تبغى تعذبهم لاتسئل عنهم وهمل

تغلى وغيب ما أزعل مدام أني أنا عيونك
عيوني أنت مالكها بدونك أنت ما تكمل

وإذا غيابك تغلي بس عيوني ما يبيعونك
عيوني يوم ما تشوفك ما تدري آه وش تعمل

مدام أني وسط قلبك عيوني ما يهجرونك
أنا من يوم ما عرفتك ما ابعد عنك ما أتحمل

تهمني أنت والباقي حبيبي مايساوونك
تهمني والله العالم با أنك عندي الأكمل

أحبك كثر ما قالوا عواذل فيك يفدونك
احبك وأنا في حبك أزيد بقوتي وأصمل

احبك حتى لو تهجر حبيبي قلبي مفتونك
احبك والهوى بقلبي يفوق الوصف ما ينمل

احبك .. قلبي وعيوني وفاء لك ما يخونونك
احبك حب رقاني وبه كل الحياه تشمل

احبك .. روحي وقلبي سعدهم يوم يطرونك
تحبك روحي يا روحي ولو غيرك بها تأمل

أبيع الكون من شأنك و ازعل من يزعلونك
واخلي كل شي حولي يحبك لأنك الأجمل

وأراضي حتى أعدائي إذا قالوا يحبونك
حلاة الدنيا بعيونك وانته لحلوها تحمل

وأنا مالي بهالدنيا حياة ولا أمل دونك
وإذا في يوم أنا خسرتك تأكد قلبي يترمل