بمناسبة زواج الاخ خليل العنزي ابو وضاح

هات القلم ياهاجسي وافتح البوك
خابرك دايم مايجي منك تقصير
تطوف بي جو الشعر تقل ماكوك
وتعبر شعوري بالابيات تعبير
واليوم حبلك للجزيلات مفكوك
اصرف جزيل القاف صرف الدنانير
انا تراني لابو وضاح مملوك
راع الوفا دايم عشير المناعير
له بالغلا عندي براهين وصكوك
الشامخ اللي يشبه طويق والنير
لادك في صدري من الهم داكوك
كتبت له عن خافي الحال تقرير
قال ازهل الموضوع مابيننا شكوك
خله علي وانا حفيد المشاهير
الشك بابه بين اخوياه مصكوك
واليا انتخى من طيبته يمكن يطير
لعل عرسك يابو وضاح مبروك
والله يجمع بين الاثنين بالخير
فرحت زفافك فرحتن لي وانا أخوك
وعلى فرح شرواك سقت التباشير
احلى التهاني بالفرح سقتها دوك
اليوم غير وفرحة اليوم ذا غير
بالطيب انا لك يابو وضاح مملوك
وابي العذر وان صار بالمد تقصير