موت الحروف - خلف المشعان

عن آخر ماكتبت اسمع .. وهالمره .. ثمان ابيات
إذا لك خلق .. تتحمل .. تأمل .. في معانيها

تبي .. تستغرب المطلع .. أكيد .. وتكثر الهقوات
ولكن .. ريّح اعصابك .. معاي .. وشوف تاليها

أظن . اللي حصل .. للزير سالم .. بآخر الحلقات
نهايه مؤسفه .. طبعاً .. ولكن ببتدي فيها

لأن . الزير . في . شرعي . طموحٍ . يعشق الثارات
تمادى . بالحروب . اللي هوته .. وصار هاويها

قتلت من القصيد .. احلى الحروووف .. وأعذب الأبيات
يقولو:.. خلها .. واضحك .. غصِب عني . واخليها

ومادام اللي حما .. فرخ القطا في عشها .. قد مات
أجل من يمنع .. الصياد .. عنها .. عقب حاميها

أو ضح لك نهايتها بلاش وخلها .. بسكات ...
ثمان ابيات .. وان جازت .. ترى . ياخوك .. مابيها

© 2024 - موقع الشعر