صريح العباره

( في ) : حرف جر .. ( وخاطري ) : إسم مجرور
( بالكسره ) اللي قدّرتها .. ( عباره )

جت .. من ( غشيم ) ، وقلت : عادي .. ومعذور
وجت .. من ( حكيم ) .. وقلت : لاواخساره

حاولت أصنّفها .. ضريبه ،، على النور
لكن .. بدون اشعار .. صارت .. شراره

هّبت رياح الظلم .. واستلهب الجور .... !!
وجارى دخَنْها ... عاشقين الاثاره

فهمت .. منها .. كيف .. يتكوّن الزور
من نشأته .. حتى .. حدود انتشاره

وعرفت .. كيف اضحك .. وانا امووت .. مقهور
لامثّل .. الكذاب .. " مشهد وقاره "

يعني ( شطاره ) قال : أنا فاهم الدور
مايدري .. ان ( الدور ) ماهو شطره

يجبر .. كسر ( بيتك ) إذا كان .. مكسور
لكن ..( ضميرك ).. كيف جبر انكساره

تدري ..!! ( بلاش ) ( تلف ) ( ونلف ) وندور
تعال .. خذها ..! في (( صريح العباره ))

ماني .. على هالشعر .. يالشيخ ..!! مجبور ..!
عشان ( أدق حبوب ) ( واشرب زقاره ) ..!