ما انت لسواي

الحب أشوفه شوي ياسيدي فيك
من كثر حبي مال هذا الهوى حد

ظاهر غلاك بدنيتي لو انا أخفيك
محبوبي الأوحد ولا يشاركك ند

.....
لحظات..احبك واملكك باقي العمر

اعذب شعور الحب هذا طريقه
ما أتخيل الساعات من دونك تمر

وما اقدر اعيش بدون حبك دقيقه
.....

محبوبي انت وقلبك اللي يبيني
بجنون تهواني وانا أهواك برضاي

خذ كلي اسرق ياحياتي سنيني
يارب ماتكون الا معي ما انت لسواي

.....
مجنون بك قلبي ولجنونه أسباب

اول سبب لا وهم حبك حقيقي
في بالك انا وكل ماغبت ترتاب

في بحر حبي قلبك اول غريقي
....