كني خلوج

لـ محمد بن شرهان المري، ، في غير مُحدد، آخر تحديث

كني خلوج - محمد بن شرهان المري

ياصاحبي بعدك عن العين مابغيه
ترى الوعد عند العرب يلزم الزام
 
من يوم ماقفيت ياروح مغليه
آسهر مع ذكراك إلى نام نيام
 
اليا ذكرت اللي مضى لي وناسيه
لجت هواجسي كما لجة حيام
 
مثل القطيع اللي عنا القيض حاديه
مرواسها حمضن وضاعت من ايام
 
وعليك قلبي يابساتن عراويه
كني خلوجن تلحق اخلاجها ارزام
 
الوقت جاير وآقشر الهجر كاويه
والقلب مايشفيه لي كثر الآحلام
 
وقلبي بعد فرقاك فاخت مشاهيه
وعن شوف غيرك مارضى قربه وشام
 
ذكراك بعض امرار تاتي تواسيه
مثل اللطيف اللي يواسي له ايتام
 
والاتصال اللي بالاعياد وآرجيه
هو الآمل للي جزع سمعه وصام
 
العمر قفى في رجا يوم تاتيه
والخلق في عيني تساوو بالاصنام
 
ياطب جرح القلب ياغلى آمانيه
راح العمر مازعزعك لوم لوام
© 2024 - موقع الشعر