يا سعيد بن شرهان ريف المسايير
بآسمّعك آخر قصيدي ودعواي
قالوا لي أني أصخر القاف تصخير
بس أني أبدي في مديحي تعصاي
قلت أسمعوني كلكم يا شعاعير
المدح عسرٍ في قصيدي وبغناي
ما ينمدح يا كود من مذهبه غير
اللي يشاركني المصيبة وبلواي
اللي يجود اليا حدته المقادير
ومن جودته ظامي القسى جاك رواي
مثلك يا بو شرهان بين المناعير
تدري ب همٍ ما شرحته بمعناي
واليا أقبلوا فرسان همّي مغاوير
لا ما زهمت الغير بالصوت ودعاي
وقفتك تغنيني ولو هم طوابير
وشلون ما أمدح من فعوله لعيناي
ما لي سوى وقفتك لا دبّر الخير
أنخاك بأسمك بالقسى في تعزواي
ولا دبّرت دنياي دين ومخاسير
أنت الرجا في ليل بقعا ل مسراي
تصخي بروحك قبل سوق الدنانير
اليا طبعت سفني بعسري ف منجاي
شورك يقدّيني بضيعة الأشاوير
ومن وقفتك كثرت لغيري عطاياي
ولا جا نهارٍ يعتزى بالمعاشير
تضدّ ضدّك لطيّب الجل حمّاي
هداج من غزره ورودي مصادير
ومن طولته بالوقت طالت بي خطاي
وأنت الرجا بالياس يوم المغاتير
ساقت مجاهيمٍ عقب عزّ مشراي
وما دمت جنبي فالليالي تباشير
لا بو هموم الوقت لو تخلف الراي
وأن كان مدحي فيك بين المناعير
عيبٍ ف أنا قابله وأمدحك برضاي
وأن كان مدحي فيك شعر وتعابير
حطّوه سيّه ما أبغي اليوم حسناي
وأختامها يا سعيد ريف المسايير
يزهاك مدحي بالقصايد وبغناي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.