توكل على مولاك يامدور الزلات
 تموت بمرض قلبك ولا طلت تقدرنا
 ترانا على درب المناعير الطولات
 ولا راح نخلف هقوة اللي معلمنا
 وننطح عسير الوقت يالعاذل الشمات
 وتضايق دروب الوقت بالرزق ما ضقنا
 يشح الزمن بالعسر ونرفع له الهامات
 ولو كشّر بناب الفقر له تنهّضنا
 ونجمح بحمل الواجب ونرهي الوقفات
 وتطول الدروب العوج بالحمل ما عصنا
 نبدد هموم أصحابنا لا شكوا الأْوقات
 ونرخص لهم غالي المكاسب وما حشنا
 ونصبر على جور الزمن وأن بدت ميلات
 من أقرب قرايب همها بس تفشلنا
 تركنا الردي يبلس سواده من الهقوات
 ورقينا على روس المعالي وشرّفنا
 ثقتنا نبانا ما لمث شامخه نمات
 ولا اللاّش لا منه بهرجه تعرّضنا
 ونكتم وجيعة ربعنا والزمن دورات
 فلا بدّها لا من زمى الضد تنعتنا
 ولا نرتضي الزله من العاقل اللوات
 إلى كان قصده بالخطأ ما يقدرنا
 نحقره ونقفى عنه وركابنا عجلات
 تجوب المراجل ولوفا الطيب تصلنا
 ولا نرتضي نبرك هزيعة من العيلات
 نحد المعادي لين يرغي ويبخسنا
 مساكين خلق الله لها بالبلد حزات
 تبي ترتقي معنا وتفشل وتزعجنا
 وحنا وحنا بالقسى لابة الصملات
 نحد العزيز اللي هقاويه يكسرنا
 وحنا وحنا مرهيين العطا بسكات
 وريف الضعيف اللي من الوقت يزهمنا
 وحنا وحنا لا أفتخر ذابح الشوهات
 فخلاّج غالي الطرش ما هو يخسرنا
 وطق الرودم اللي زهى كسبها مشهات
 ودسام الأشناب الحشيمة فواجبنا
 وعز القصير اللي بنا يرتهي الخيرات
 نصاحب على وضح النقى من يصاحبنا
 سمينا بفعل الطيب وتقديمنا الجزلات
 وأنشد محافل كاسبين الوفا عنا
 ورسينا بجزل الفعل والطيب والفزعات
 ولو وقتنا من قلة الرزق مضعفنا
 وبختامها والختم يا مدّور الزلات
 توكّل على مولاك وليتك بتقدرنا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين