عزّام

عزام ما يشكي من أمراض و أوجاع
ولا هو يبي إشناذره يالمناعير
عوقه سهيل اللي ظهر له تشعشاع
والطلع عوقه حبسته بالمصافير
طبّه يفرع به بقفرٍ به أطماع
ولا من كفخ يتبع مطيره سياير
ولا قد طفح طلعه كما خدش الأطباع
طلعه كبير الخرب والا المعاشير
تلقاه فوق اللي تكبّر على القاع
جناحها ما فادها قامت تسير
ولو هي تعلّت بالسحايب لها زاع
لحّاق للهارب وعوق المدابير
ما كفخه بالدس شراي بياع
ولا راز روزه من يبي للملك طير
حشيم وأحبه ولا أبيع طماع
فدوة هداده لا خسرت المخاسير
ضافي الشلايل جبر وأن هدّ بتاع
كبير قحفٍ نادرٍ بالمغاتير
وأستسمح اللي منصتٍ بالتسمّاع
ما أحب أوصّف كامل الوصف للغير