أجـمّع أحلا طيوفك ..

من قبل توديع عيني لْيومها الحالي
أجمّع أحلا طيوفك وألتهي فيها..

وانسى شعور التعب الي سقم حالي
ومن قبل نومي كأنك جيت تشفيها..

مثل المسكن إلا من جيت في بالي
لانك تسيطر على عقلي و تنفيها..

ولانك بهالقلب أكبر من غلا غالي
و مشاعر الحب ما ظني توفيها..

ولني أشوف السعاده معك تصفالي
و اشوف انك لروحي أنت تكفيها..

ما ودي الناس تدري بما يورّالي
وما ودي البال عن ذكراك أعفيها..

بس البلا لا غزا طيفك على بالي
البسمه اللي تجيني مقدر اخفيها..

ودي ابد ما تجي إلا وانا لحالي
خوفن من عيون خلق الله تقفيها..

والخوف يكبر إذا وصلت لعذالي
إنفوسهم شمعة الفرحه تطفيها..

لكن عسا نفسهم تنسد عن جالي
وعسا عيون الحَسود الحِسد يجفيها..

و عشان نرتاح وما ينعاد غربالي
ابيك تسمع وصاتي ثم توفيها..

أبي (طيوفك) تباعد عنهم عاالي
وان جيت بآنام (بآخذها وادفيها)..