أترجّاك - خالد المسعودي

أترجّاك
ذبل غصن النهار بسدرة الظلما

وأنا اترجّاك واترجّاك واترجّاك
دخيلك لا تسافر والطريق أعمى

قبل لا ياخذك مني خذاني أهناك
نحل صوتي وأنا نادي على الاسما

أبي لو تنتظر يومين واتناساك
وأداري دمعتي بس الكلام أدمى

ترف روحك... ولا جابك... ولا ودّاك
شسوي بالقصيده والسهر والما

شسوي في جبال الثلج والشباك
وأنا فوق النهر ماشي... عليك أضمى

وأنا بين الشجر... مرعوب من فرقاك
دخيلك... يرتجف طفلك من الظلما

ويترجّاك... يترجّاك... يترجّاك
© 2024 - موقع الشعر