مذبوح

لـ خالد المريخي، ، في غير مُحدد

مذبوح - خالد المريخي

تعبك راحه وأحبك مهما تتعبني
شفت الغلا كيف سوّا من التعب راحه

عذّب .. ومنهو يردك لاتعذبني
البال مرتاح والأعصاب مرتاحه

لا ينكسر خاطرك كيفي وعاجبني
اجرح .. ترى صاحبك مبسوط بجراحه

حتى اذا أخطيت لا تتأنى .. انبني
خلّ حزن قلبك عليّ وعيش بأفراحه

أنا اللي كسبان مادام انت غالبني
هو فيه خسران مثلي يحسب أرباحه

صوّبني من وين ما ودّك تصوّبني
مذبوح ومسّلمن روحه لذباحه

غصبن عليّ كل ماسوّيت يعجبني
قلبي قفلته عليك وضاع مفتاحه

تمت الإضافة بواسطة :سالم ال فروان
© 2024 - موقع الشعر