الطريق ان طال ما يســهل رجوعه - نبض الحيارى

الطريق ان طال ما يسهل رجوعه
والنهاية .. نبتديها .. في قطاعه

والفقير الي التواء عظمه لجوعه
فايض الامه .. اخذ منها مناعه

كم سفيهٍ مشغله حبه لكوعه
يحسب ان تحقيق ما يصعب شجاعه

وكم طريح ٍ ما تخلا عن ركوعه
راجي ٍ رحمة إلهه .. والشفاعه

والعزيز الي ترك عزه بطوعه
ماجنا العذال من خلفه بضاعه

كم حقير ٍ قوته يرسم وجوعه
في وجوهٍ يحتكرها في قلاعه

للبشر ذكر ٍ وكلن له سطوعه
للزمن دورات تتحول في ساعه

والحضيض الي تمادا في خشوعه
ماشغله عن طاعته سلم الجماعه

مرضي ٍ ربه .. وله نفس ٍ قنوعه
عفته ودعاه .. هي زاده ومتاعه

© 2024 - موقع الشعر