ســلامـات !!

لا تحسبنّ الحب كله سلامات
إن جآ سلامات أو يروّح / سلامات

الحب نار مولعة من البدايات
إن شبّت النيران مافي / سلامات

الحب يبدآ بنظرةٍ وابتسامات
والنظرة تكفي ولا بَعَدها / سلامات

وإن بدآ بعده تبان العلامات
تبدأ بكيف إنك تعدّي / سلامات

لعاد نوم الليل ولا عاد قيلات
ولا مريض ولا معافى / سلامات

ويبدآ نحول الجسم من غير علات
إلا المحبة كيف تشفى / سلامات

ويظهر عليك إنك متيّم بنيّات
واللي يشوفونك يقولوا / سلامات

إن جيت تنسى خافقك ينبض آهات
مع كل نبضة يقول يارب / سلامات

وإن طعت قلبك ابتديت النهايات
يعني مصوّب ما معاها / سلامات

الحل غض الطرف لا جَنّ فتايات
ودرب السلامة إن كان تبغى/ سلامات