في بعاده ..

في بعاده امتلى صدري كئابه
والصبر في مُدة التعويض طال..

يا زمن طالبك تعطيني إجابه
انشغل فكري على هذا السؤال:

وين هذا الي يعوضني غيابه.؟
(بالتعامل و الكمال وبالجمال)..

أخطى قوال العذارى اتشابه.!
والله ان كفه عن العالم لحال..

ذاك وصفه كان أقرب للغرابه
واصلٍ في كل حاجه للكمال..

من كثر ماكنت اسرح في جنابه
كنت أشك انه حقيقه او خيال.!..

وتدري الي زاد في قلبي عذابه
خَذت من طبعه وهرجه والفِعَال..

افترقنا وهو مشى برحلة غيابه
و البلا بي باقي إطبوعه تزال..

ان نسيت يجدد الطبع انتسابه
واذكره لنه زرع بي هالخصال..

بإنتظاري ضاق صدري من ثيابه
وبس أردد يا زمن حل السؤال..