لحن ضايع

يا حمام الدوح هذا لحن موتي غردي به
انثري بيض النوايا واكسري صمت السطور

اتركي بعض البقايا للي قفا ما دري به
بكاه الا القلم واوراقه وركن مهجور

غردي في لحن ضايع من غرابيلي اغتني به
انشليني من سكونٍ تختنق فيه الصدور

اسالي ليش الليالي تنطوي فينا كئيبه
والقلوب الي احتوتنا نبتنا فيها يبور

اسالي عصنٍ تكسر من جفا الوقت ولهيبه
كيف قادر يحتضنا بالدفا ويشع نور

من خلقنا الله نأخذ والعطا كفه عطيبه
ما تعلمنا المواعظ والزمن فينا يدور

من حصاد العمر هذا مفرقي يانع مشيبه
في سراديبٍ تذوب حسننا وسط القبور