بسم ربعي ساس الوفاء والمواجيب
ارحب يابو مسفر ياصافي النيه
ماهو غريب الطيب يارعي الطيب
ولاهو غريب ردى النفس الرديه
خوتك يارفيقي يرضخ لها الذيب
اختارها من بين الرجال الوفيه
انت الوفي حللال الصواعيب
في شوفتك عيني مهي بغنيه
ذكراك علي جبال غليله مايغيب
وعلى جبال صره كل عصريه
بكت النخيل وعيون الاصاحيب
على ذكراك ماهي بمنسييه
يابو مسفر ارحب فوق التراحيب
شوزن وعزبه ومقناص وشبريه
وعلي بن مسفر جاهز وصيب
الهدف عن عينه ما يغيب شويه
ولا انسى حمد ومبارك وذيب
الي تدبر الامور بحنكه وعقلانيه
وحسن لامنه ركب وتل الجيب
صوب الهدف تركيزه ميه ميه
ومحمد في غيبته الراس يشيب
وربعنا على شوفته تراقب مجيه
واخر كلامي مثبت بلا شك وريب
اخواني ال ضريس ساس الحميه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.