هب البراد وتو ماجونا زان

لـ ماجد الحربي، ، في الانشاد والشيلات، آخر تحديث

هب البراد وتو ماجونا زان - ماجد الحربي

هب البراد وتو ماجونا زان
والروح ملت من سموم المدينه

ولي مدت(ن) والقلب ياسعود بلشان
والعين من درب المفارق حزينه

ان قلت هات العلم فالعلم يافلان
روحي من اسباب المحبه سجينه

انا ابتليت بشر داعجت الاعيان
الي قهر زين العذارى ب زينه

عز الله انه ماترى مثله انسان
ماقول غير الله بزينه يعينه ..!

اتل العهد يومه عوى الذيب سرحان
بالصده الي زودتنا غبينه

قفى ولاني من غثا البعد خسران
بس العواذل لعن ابوها لعينه

يالله عسى من راح تجفاه الاوطان
( عمر البحر ماشال هم السفينه )

حنا ترانا بالعرب شاننا شان
من صد عنا مانصافح يدينه

ندمح خطا الخوه ولو عرقها لان
لاصارت اعذار الرفاقه سمينه

اردانا منهو لاوقف وقفة احصان
والطيب منا للملا وارثينه

من غير والله بالعرب قول حقران
من يجحد المعروف ديني ودينه

لا يارفيق الدرب ياطير حوران
صاحبك فاح الشوق من وسط عينه

مادمت لي ربعً وصحبه وخلان
شرّع زهاب الهم وامسح جبينه

اطرد سراب النوم من صلب الاجفان
ماعادت انفوس الليالي رزينه

اسهيل له مده ترى بالسما بان
والصيف قفى والشتا مقبلينه

يالله تجيب الخير وتهل الامزان
عقب الجفاف الي عطشنا سنينه

واشوف خير الارض من كل الالوان
في روضةً حلت عليها السكينه

ويصب لك من صافي الكيف فنجان
منهو على الفنجان تسلم يمينه

يقولها الي صخّر الله له السان
بيح لك امن الود صافي كنينه

© 2024 - موقع الشعر