يابن مهل وش حيلتي بالمطفّق ( مجاراه ) - ماجد الحربي

ياوقت لاخنت القويضي ترّفق
ماهو ب ضاري يازمن بعد وفراق
 
علمً لفاني صدق ماهو ملفّق
صرم ضلوع القلب معلاق معلاق
 
انا احسبنّي في طريقي موفّق
اصيح له يالين يبسّن الارياق
 
راحت يميني في يساري تصّفق
ماهوب طرب من قو غبني والارهاق
 
يابن مهل وش حيلتي بالمطفق
الي يبيعون الصداقه بالاوراق
 
قد كان له رايه بقلبي تخفق
واليوم لاعاشق ولاني بمشتاق
 
نوعيةً حذرى عليها تشّفق
تضحك بوجهك وان مشت موس حلاق
 
بندر محسن الشعبي
 
..........................
رد ماجد المهل ...
 
يوم القويضي عرق قلبه تدفّق
ساق الذي في طرقها غصب تنساق
 
شطرً لفاني محتزمبه على ( آفق )
وشطرً ينومس حبكة القاف لاضاق
 
ينفق لاجل عين المحبه ونفّفق
خلً من اسبابه صرّم ضرب الاعناق
 
ماكنه الا فوق نارً تهفّق
حلمً لفاه اسنين واسنين مافاق
 
( يابن مهل وش حيلتي بالمطفق )
قد قالها من ضيم بالوقت ماذاق
 
واقول يابندر ترى الصبح شفّق
ومافات جعله بين بايق وبواق
 
وخليف ابن ضلعان شاعر توفّق
حيثه يجيب الدر من جوف الاعماق
 
ماجد ابن مهل السليمي
© 2024 - موقع الشعر