أبيات متفرقة 3

لـ فيصل الجابري، ، في غير مُحدد، آخر تحديث

أبيات متفرقة 3 - فيصل الجابري

إن ساورك شك بصديق
أرميله كلمة بالمزاح

وإن شفته ما يقدر يطيق
انساه وما قد راح راح

*************************
*************************

اللي ماهو معتبرني مكسبٍ لّه يفتخر بي
والله والله ما اعتبرته .. لو ثواني رأس مال

كيف أبرضى يحتقرني ؟؟ لا وربّي ..لا وربّي
المحال إني أبرضى تعرف اش معنى محال

*************************
*************************

من عافني عفته ولا همّني فيه
ويطيح من عيني ولا أضرب له حساب

ولا أطرد الشارد ولا أمشي بأثاريه
إذا انقفل باب انفتح لي مية باب

**************************
**************************

أشتاق للي مثل حالي بيشتاق
أشتاق له إن كان يشتاق ليّه

واللي يقفّي لأجل بس ودّه افراق
أقفّي ولا أسهل من فراقه عليّه

**************************
**************************

مشكلة إذا ابتلاك الله بمريض
لا يبا يشفى ولا بيدّك شفاه

البلا إن جاك هرجه بالنقيض
والمصيبة إن كان وجهه زي قفاه

**************************
**************************

© 2024 - موقع الشعر