نمسي ونصبح - هوّاش السليمي

نمسي ونصبح بين وده وهاته
من عاش مندب بشكواه ومندوب
الحب ياحي جهل واجباته
عذري ولابه للمحبين ذاروب
وحي بلا حب شقيه حياته
يعيش طوب وتنتهي مدته طوب
من حب وراه الدهر معجزاته
مجنون ليلى راح يمشي بلا ثوب
خله ينوح النوح هذي طراته
معطيه محبوبه من الناس عرقوب
يالله ياحام الحرام من غزاته
في جاه مانزلت وأليك منسوب
تجبر صواب اللي تكدر مباته
من ولعته منفي ومجفي و مصيوب
ليته وصف لي يوم وصلت وصات
هوالنصر من وهاب للعبد ماهوب
حتى أتصرف بالخبر عن فواته
بأسلوب والا غال الارواح مجلوب
ينشد وأنصي كل فج كفاته
بر وبحر حق وفريضه وماجوب
وأكتب لرواد الفضا عن صفاته
ونبي نجند له بالاسباب مجذوب
لازم يجي فس سيته وأحسناته
بالطيب والاحبل الاكراه مكروب
وأن كان مانقدر نجيبه بذاته
جينا وجبنا ثوب يوسف ليعقوب
© 2024 - موقع الشعر