ليلة فراق - شريفه عبدالله

ليلة فراق الهوى ماغفيت النظره
عتيم دربي بسبة حب كاويني

فراق مالي ومال القلب به قدره
واللي ذبحني موادع كان مرضيني

كان النظر للعيون وكنت له فجره
ياما وياما حبيبي كان معطيني

لاجيت بنسى حبيبي ردة العبره
ذكرى بقلبي وحكي الناس يبكيني

ماتدري الناس شوقٍ في القلب سره
تطريه عندي وطاري الشوق متعبني

ليت المشاعر بوقته عشقته حذره
ماكان لي قلب في الأشواق يبليني

سوالف الوعد هدت من بنى قصره
بحدود أرضٍ جفافٍ لي تعزيني

ماعاد به سالفة ديرة مثل درة
كانت حلم والعشم في يوم تحويني

ياقلب صبرك على حكم الهوى وامره
مشاعرٍ لاتموتني وتحييني

اليوم لي قلب فارق مدعي قدره
وان صاح بحرق مداهيلٍ تناديني

العشق من مات يومٍ قد غرق بحره
حكاوي العشق في قلبي تنسيني

وياللي كساك الفرح واهديتني مره
وين انت تأخذ بقايا حب مشقيني

© 2024 - موقع الشعر