قالت تعاهدني ؟

قالت تعاهدني هواي ما تخونه
وأنا وربّي ياحبيبي لاعاهدْك

أبغاك تحفظ عهدنا ثم تصونه
أبغاك تسعدني حبيبي وأنا اسْعِدْك

قلت ابشري يابَرْق لاحَت مزونه
عز الله إني صادق(ن) يوم أواعدْك

لكن جسْمك غضّ وكلّه ليونه
وأخاف سنّي إن عرفتي بيبْعِدْك

قالت عشقت النفس فيك الحنونه
ماهمني شكلك ولا وش عطت يَدْك

ولا همني سِنك ولا جيك دونه
يهمّني داخلك يارب يسعدك

أعرف نسَبْك الزين وأعرف وطونه
وأعرف ديار(ن) تشهد بيوم مولدْك

وأبغى عهود(ن) ماتعَرف المرونه
حبك يؤبّدني وحبّي يؤبدْك