كان عندك شك يا روحي بولاي

أدري ابقدري وأدري وش غلاي
ما أبيك تقول قدرك أو غلاك

ليه أرحبّك وأهلّي يا هلاي
وانته ردك دائماً قاسي هلاك

كان عندك شك يا روحي بولاي
كيف من هو ذابحه قلّة ولاك

قال تعشقني ولا تدري اش حلاي
قلت أحبك قبل ماعرف وش حلاك

أدري إنك عايش(ن) بي وبلاي
بس ما تدريبي ما أحيا بلاك

ودّي لو أسْلى ويلهيني سَلاي
عن هوى المحبوب لكن ما سلاك

استشرت أهل الهوى ناسي وملاي
قالوا تصبر طالما تعشق ملاك

قلت أبَجْلا يمكن أنسى في جَلاي
قالوا لا لا ما أحد يَجْلا جَلاك

قلت والله يا محبّتها بلاي
قالوا يعني فراقها ماهو بلاك ؟