رسالتك جتنـي وانـا كن مشغول

رسالتك جتني وانا كنت مشغول
وفكري سرح واللي طلبته نسيته

ويومه ذكر لي قلت عزاه يحول
ماودي اخلف ظنك اللي هقيته

والا انت حبك داخل القلب مكفول
حبك قصر ثابت بقلبي بنيته

لو ان قدري معك مخفي ومجهول
مقدر عليه ليا طلبته لقيته

واللي يجيني منك مرضي مقبول
ماجا منك لو هو عذابي رضيته

ولا قلت قلبي معك زايغ ومهبول
وصفت قلبي وصف صدق وعطيته

هاك الكلام اللي مصدق ومعقول
من قلب وأنته سوبه مانويته

لك الحجاج بكل الوقات مفلول
حجاج قلب(ن)بالمحبه كويته

انا فدا هاك الحجاجين والزول
وفدا جديل(ن)فوق متنك طويته

يامن معك مامل وقتي على طول
ولوا ينشرى وقتك بمالي شريته

قربك ربيع(ن)يشرح الصدر وسيول
وبعدك فقر رجل(ن)وطى الفقر بيته

اقول شعر(ن)فيك ماهو بامنقول
شعر(ن)ماهو والله بغيرك بديته

وقلبي قبل عن كلمت الحب معزول
محد(ن)غزاه الا انت وحدك غزيته

لو جيت ابا صف فيك وش فيك ابا اقول
كل الجمال وكل زين احتويته

لو منتخبنا جيت له سدد القول
وبالكاس فاز وبالامم ذاع صيته

ماهو طبيعي حبك العذب مكحول
والقلب من مكحول حبك سقيته

قلب(ن)معك مسحور يالايق الطول
قلب(ن)هواه رضاك لو ماهويته

قلب(ن)عنك يعذل ولا هو بامعدول
وحاولت اعذله عنك انا ماقويته