لا غبت غـاب الشعـر ذوقـه وجمهـوره

لا غبت غاب الشعر ذوقه وجمهوره
وغدا طعام(ن)صماط الملح ماطبه

والا بيوت(ن)من السكان مهجوره
بارض(ن)جفافن من العربان من كبه

اي والله اني سبحت الشعر وبحوره
وبالسرعه اكونه من كثر مالعبه

عندي خوين يبت الشور من شوره
وسريبه الليل لاهوجست وشبه

شعور شاعر مامات الشعر بشعوره
حتى تجي مصيبت(ن)بالراس تضربه

وخذت بالشعر دوره والعنى دوره
وماكل من مرني من قلب ارحبه

حتى القلم كنها تحكيلي سطوره
اي والله اطرب لذكر الطيب واحبه

وطول التجارب بها الامثال مذكوره
اسئل مجرب ولا طبيب في طبه

فيك افتخر والقلوب السود منحوره
على المعزه ومن ظن الردا هبه

والناس في دبرت المعبود ماموره
ناس مدحت الزمان وناس(ن)تسبه

وناس(ن)من الوقت ولوعات مقهوره
وحتى نهار العيادا ماتطييبه

وناس(ن)تحسب لشهر الصيد وطيوره
ماهمها الا الشهر هذا تطربه

وناس(ن)ببث الفتن والخبث مسعوره
والخبث عند المسا والصبح تشربه

ومن ماخشا الله لو هو منك لا تزوره
ماينومن قرب من ماخاف من ربه

ولو كل(ن)اوفا الفعل لا دقلك زوره
كل(ن)نهار الشدايد ماتغيبه

ولا صار به ناس بالفزعات مخبوره
والوقت ماحدن باهالدنيا تعذبه