لا يغرك حلمي تحسبني جبان

لا يغرك حلمي تحسبني جبان
ولا يغرك صبري اللي بلا حدود

إن صبرت أصبر إلى سبع وثمان
ولا تفكر بعدها تطمع بزود

وإن طمعت أبشر بتعرف يا فلان
إش عقاب اللي يزعلّه أسود

ما أقصد التهديد لكن للبيان
لا تحسّب كل من يصبر شرود

استحيت وقلت ما قد كان كان
وقلت أمشّيها ويمكن ما تعود

أحسبنّ الناس في هذا الزمان
مثل ناسٍ كانوا في عهد الجدود

كنت أظن الصبر يكسبني الرّهان
لين شفت إنه يسمونه برود

ولا عرفت اشلون طبع الناس شان
لين شفت الناس يعجبها الجحود

أسأل اللي إن سألته عون عان
يعين كل الصابرين في ذا الوجود