بنت الرجال

لا شفت بنت ٍ ماشية ما تلفّت
ولا تنظر ايمينٍ ولا تنظر اشمال

متحجّبة حتى يديها تخفّت
لا يبان خاتمها ولا يبان سلسال

عباتها من فوق الأطراف ضفّت
تستر مفاتنها على كل الأحوال

عباتها بلون السواد استشفّت
لا فيها ألوانٍ ولا فيها أشكال

إن أقبلت سيّان وإن كان قفّت
ما بيّنت من كثر ما تلبس أسمال

تمشي ولاهي يوم تمشي تعفّت
في دربها ما تسمع لقيل أو قال

ما تماشي اللي تشوفها استخفّت
من خوف لا يتبدّل الحال بالحال

من حرصها النفس غصب استعفّت
محال ما تتبع هوى نفسها محال

يحفظ لها اللي علّمت وإن توفّت
يارب ترحم كل من علم أجيال

هذيك هي اللي لها النفس شفّت
بنت الرِّجال إن قالوا ابنيّة رجَال

تبشر بنصف أموالي إن كان كفّت
وإن كان ما تكفي لها باقي المال