ياللي تقول اني بلاسباب زعلان - خليف الوهيداني

ياللي تقول اني بلاسباب زعلان
وتقول ماجا منك يمي خطيه

الا علي اخطاك قدام الاعيان
ولا لك مشاريهن بعدها عليه

اتحول الحيله فعايل للاحسان
وتقول من ماصار نفسي بريه

وتولع الفتنه ورا الغيب نيران
وتقول انا اللي رحت فيها ضحيه

بالهرج همك لم ربعك والاخوان
وانك عجزت بالم ناس(ن)شقيه

اعمى وتضحك لك على ناس عميان
وتداوي وتجرح باعين(ن) قويه

قدم البشر مافيه مثلك ولاكان
هرجك نزيه ولدغتك لدغ حيه

جبناك يومنا نحسبك اكحيلان
يوم انت تنخانا باوقت الحميه

نبا نتنومس فيك وتصير عنوان
في دارنا ولنا بوسط البريه

هديت فينا مثل طير ابن برمان
لاعاد يومن فيك بشر ماجيه

© 2024 - موقع الشعر