طال السهر - صالح العبدالله

ياقلب يكفي ملت العين وياك
طال السهر وأحبابك اليوم ناسين
حكم الغلى أتعب احاسيس فرقاك
وتركت لك نفس تعاني لها سنين
لاصار من حبيت اقفى وخلاك
لاتنتظر وصل يجي منه بعدين
الوصل وأحساس الغلى وكلمة أهواك
ماتت بدون أسباب بين المحبين
ماعاد به حب على طول ممشاك
تقصر خطا ناس بدربك عزيزين
اليوم دنيا البعد عنوان دنياك
لاتشيل هم الحب ولاتسهر العين
لاصار أغلى الناس بالوصل ينساك
من وين أجيب أحباب ياقلب وافيين
© 2024 - موقع الشعر