سرب الحمام

لـ ، ، في غير مُحدد، آخر تحديث :

‏يسرب الحمام اللي هجع بالبطين وطار
بعد ماخذا من سجعة الصوت له جره
بصوت ن يشادي جرة الناي بين ازهار
يجره غريب اديار والشمس مصفره
وانا ماهقيت انه يغرد بليا اشجار
ولكن يهيضَ الشوق اذا القاع مخضره
اثاري البشر ماهو لوحده عليه اعسار
مخاليق ربك مرها العسر مامره
يعجف السنين اللي خذت بالعمر مشوار
زمانين ما طاعه زمانه ولاسره
كأن الزمان الشين يسبر عليه اسبار
مخاليب ذيب ايدور امن الحذر غره
يقولون حظ الناس تلعب عليه ادوار
وانا اقول لو ينصح مع الناس وش ضره
قليل البخت لوغاص ماجاب غير اصفار
وراع البخت بالجال ويجيب له دره
موازين غرت خامل الذكر باهل الكار
ظروف الزمان اتعوق العبد واتبره
يموت الكريم ويبتدي بالفخر مشوار
يخلد مع اهل الطيب والخامله برّه
 
شعر: عبدالرحمن الناهي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر