موالفك ولف. لـ يوسف السناح

موالفك ولف - يوسف السناح

ياقربنا لملامس الكف بالكف
ويابعدنا بسلومنا والعوايد

البارحه جذبني الود والشف
وجيتك على وصل المحبين عايد

متولعن بالولف وموالفك ولف
وحبك تعلا لابسات القلايد

احلف بربك وادبل الحلف بالحلف
ياما لجل عينك كتبت القصايد

ودي بشوفك والوصل بيننا صلف
والحزن فيني كل يوم ايتزايد

شفني عشقت (الجرف) لو منت بالجرف
وشفني حضنتك عن كلام الجرايد

مابغى تبّين صورتك داخل الرف
ويبين جرحً بين الاضلاع كايد

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.