محمد ولـد ناهـس سلايـل كحيـلان - خليف الوهيداني

محمد ولد ناهس سلايل كحيلان
مزبان من ضاقت عليه الوسيعه

مزبان من جاله من الوقت منهان
اللي له علوم المراجل طبيعه

شيخ(ن)يقوم بحمل عانيه لو كان
حمل(ن)ثقيل(ن)ماحدن يستطيعه

مدحت انا محمد ولاني بغلطان
اللي فعوله بالمراجل فضيعه

لو قلت بامحمد من الشعر ديوان
ومطر معان الشعر ونكف رجيعه

ماوفا المدايح في ولد طير حوران
شيخ(ن)رقا بالمرجله بالرفيعه

ناهس ليا عدوا بالفعال شجعان
وعدوا حمات المرجله والشريعه

بالمرجله نجم(ن)بصدر السما بان
وللخصم ضلع(ن)خطر معبار ريعه

شيخ(ن)له مواقف الطيب عنوان
شيخ(ن)عسى افعاله لنفسه شفيعه

ولعل له في جنة الخلد مسكان
اللي مايرضى لرفيق الهزيعه

راع الحميا والكرامه والاحسان
شيخ(ن)يبيع اللي رفيقه يبيعه

شيخ(ن)بجيله من طويلين الايمان
كل(ن)برايه والمشوره يطيعه

ناهس ابن براك في ماض الازمان
ماينسى على القبيلة صنيعه

شيخ(ن)ملك في قمة المجد بنيان
وايضا مالك بالطيب وصفه جميعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر