الخيانة - عبدالعزيز الحارثي

أبطوي شراعي وداع يامن تخليت
وهانت عليك أيام تنسى عددها
بحاسبه قلبي واقول زليت
أشرب من الويلات وذق من زبدها
تلبس لباس الكذب عالدوم غشيت
سخرت عبراتك... للكذب توردها
أرخيت لك سبلاي وعالغدر ظليت
جرعت غدرك مر وناري وقدها
وقفت دونك يالغظي وبوفاي لبيت
وزودت عد عداي مناحر كبدها
واحرقتهم بعناد وما يوم أزريت
عيونهم بيدي أبكوي حسدها
فرشت لك بالقلب مرباع وبيت
اضحى خراب البيت ومابه بعدها
قد كنت أنا لك ظل يومك تجليت
وكنت مسعف وقت ساعة كمدها
ان كان بي علة من عقبك شفيت
عقلي دوا للروح وصبري وسدها
ماعاد تفرق معي ان رحت أو جيت
منته بأول شخص روحي جحدها
هذي كذا دنياي قد بعت وشريت
أبيع هم النفس واشري سندها
© 2024 - موقع الشعر