جمرٍ وجمار

وشو مميز فيني قالت تحبه
حض التميز فيك نال التميز

ممشوقة القامة يا قلبي ولبه
مابين سمن ونحف قامك تحيز

أن قلت عينك غار رمشٍ مسبه
ون قلت صوتك ذاب شفٍ كريّز

ون قلت خصرك خفت ردفك يجبه
كلك جمالٍ ما يعوزك عويز

لو قلت عنقك صاح عقدك وضبه
فز فوز فزتِ بالمحامد فويز

شعرك شرارٍ ثار رِيحِ تهبه
فازه وفيها ورد بوحك مفيز

يا ضوّ طايح في ضبابٍ وغبه
جلا ظلامٍ كان فيها مكيز

جمرٍ وجمارٍ ونحرك مشبه
شوفي لهيبه في ضلوعي مشيز

تمثال زول الروح طرفك لعبه
كل ما غمز له فز وقف متيز

روعة حنانك في حروفك مكبه
ونتي وكيفك كل شيٍ مجيز