كل ضيقه عند خلاقك فرجها

لـ خليل بن هدلان، ، في غير مُحدد، 5،033، آخر تحديث

كل ضيقه عند خلاقك فرجها - خليل بن هدلان

ياخوي الدرب وش فيك متضايق
وتشتكي من جور الايام وعوجها

لا تضايق يا رفيقي لا تضايق
كل ضيقه عند خلاقك فرجها

احتزم بي في مواجه كل عايق
والدروب الكايده بالرجل بجها

لين تشرق بالسعد شمس الحقايق
وتجلي همومٍ تزايد بك وهجها

جنب اللي يعتزي لا صار رايق
لو يغرك في هروجه لا هرجها

والزمن قبلك شكت منه الخلايق
كم نفوسٍ طيبه زوّد حرجها

© 2024 - موقع الشعر