جملت بطيب عرب العرب ما جملتني

لـ نوره القحطاني، ، في غير مُحدد، آخر تحديث

جملت بطيب عرب العرب ما جملتني - نوره القحطاني

حسبي الله على صكات بقعا اشقتني
عز الله انها اشقتني وانا في بداياتي

وحسبي الله على حظ اقفا مازهمني
تعداني حظي وانا اتبعه تعبت خطواتي

آه وجيه الليالي السود شينه ظلمتني
تطوي نهاره نوره ماغاب ل مسافاتي

المعاني كثيره وكل معنى قام يدفني
طوتني غرابيل الزمان هي عديداتي

جملت بطيب عرب العرب ما جملتني
مالقيت الا ردي حسافه معه طيباتي

سفهت الكثير افكاري اليوم سفهتني
ماغير افكار تقلبني اقلبها ل صفحاتي

ويل زماني على رخوم يوم حدتني
ارفع ب صوتي و اصرخ مابه اجاباتي

صاحب المعرفه ليته سمع وفهمني
يوم اصيح للقوم وين اعلى هاماتي

الهاجس اللي كل يوم ودوم مرافقني
ويطري علي حتى في اعذب كلماتي

الا يالهوى الغربي بجروح صد عني
صديت وقمت احسب الف حساباتي

اقفيت واقفى وعاده اليوم مفارقني
خليت ابياتي اليوم له احدث معلقاتي

هذي حقيقه يوم صكات بقعا اخنقتني
ايه بالله انها صكات واغرب الصكاتي

© 2024 - موقع الشعر