من لايشوش لعزوته بالحميّا

ياصاحبي بوصيك مادمت حيّا
وصيةٍ من صاحباً حيل تغليه

حذراك هراج القفا والخفيّا
ميّز رفيقك قبل لا تبتلي فيه

ومن لايشوش لعزوته بالحميّا
خله يولي وأتركه لاتخاويه

أحرص على اللي بالمواقف تهيّا
فعله يشرف كل ماحل طاريه

اللي بفعله شامخاً للثريّا
من طيب فعله عالياتٍ هقاويه

مواقفه بالطيب ماهي شويّا
من وين مايمشي له النعم تتليه

وإليانخيته ماقصر عنك شيّا
يبيع عمره دون عمرك ويعطيه

شرواه عدّه في خطاويك خيّا
صميدعٍ تفخر بعرفه وتشريه