ما اقدر على فرقاك - علي المنتشري

ياهيه ياللي في سماه احوب
ارحم قلوبٍ في الهواء غرقا

حبيبي اللى في هواه اذوب
بلسم جروح الروح والحرقا

الله من حاليٍ ومن هالنوب
دمعه على خدي لها برقا

ماقدر على فرقاك يالمحبوب
حاولت لكن صعبه الفرقا

احيان ودي عن هواك اتوب
اتذكرك لا ناحت الورقا

انا عذابي في الهوى مكتوب
ادور الغائب ولا القا

ياحلو ياجذاب ياحبوب
لك بالضمير اكبر غلا يبقا

© 2024 - موقع الشعر