أمنيه

يالجّتي لجّة محال اليا صرّ
ورشاه مثلوث بعيدن مجرّه

ياسرع مايرقا وسرع يتحدّر
في ساعة يفترّ مليون مرّه

من يوم شّفت الشّيب في عارضي فر
شيب الكبر والموت مامنه فرّه

وانا اترجّا صغيّر الفرخ يكبر
ويصير لي عون وللعين قرّه

متى على الله ياشقر الرّيش يشهر
ويشيل حملن ماقويته واجرّه

ياالله يامعبود ياكاشف الضّر
ياللي دعاك ايّوب وازلت ضرّه

بارك بعبدالله ونجّه من الشّر
واجعل محمد من ولاة المبرّه

وعلى عيالي لاتذوّقني الحرّ
ياعالم بالكون خيره وشرّه