هون الأمور

هون الأمور مباديها
قدح ولهيبٍ تاليها

الفتنة نايمه دايم
مير الأشرار توعيها

يشب الفتنه مقرود
يعلقها من لا يطفيها

فإلى علقت ثم أشتبت
بالحرب إنحاش مشاريها

لحقت بأرجال واجوا
دوم تنصا قهاويها

أدفع الشر دامك تقدر
حتى تنصر يتاليها

وانظر ربٍ ينظر فوقك
يميت النفس ويحييها

فان جتك الطلبه في حقك
اضرب بالسيف معديها

حاذور الذله والمده
لو نصف أموالك تعطيها

الأرنب ترقد ماتوذي
ولا شفت الناس تخليها

والسبع الموذي مايرقد
ما يوطا بأرضٍ هو فيها

خوفٍ من خبطٍ بكفوفه
كل يبعد مناويها